Младешки стан со добар план

Eдноставен дизајн и отворен распоред во 43,5 метри квадратни.

0

Ви претставуваме дом со површина од 43,5 метри квадратни, за чие внатрешно уредување е заслужен архитектот Anton Sevastyanov, а наменет e за млад станар со страст за спорт, музика и фотографија. Станува збор за светол и отворен ентериер со прилично едноставен и минималистички дизајн, па просторот изгледа многу поголем од она што навистина е. Циглите во бела боја се секако модерни, а му даваат и по малку европски шарм на целиот амбиент. Дневниот престој е издвоен од спалната соба со преграден ѕид од дрвени панели, но без врата. На тој начин зоната за одмор и релаксација е одвоена, интимна и приватна, а станот и понатаму изгледа простран. Со примена на огледала околу креветот на елегантен начин е и визуелно проширена собата. Ѕидот од дрвени панели се протега долж целиот ентериер и претставува интересен дизајнерски елемент со декоративна намена, а истовремено има функција и на складиште, што е функционално решение за мали станови. Трпезаријата и кујната се исто издвоени од дневната соба преку преградниот циглен ѕид, додека големите прозорци обезбедуваат големо количество на природна светлина. Единствена врата во станот е онаа од бањата. Светло сината и зелената боја, во комбинација со дрвениот мебел создаваат убава и модерна атмосфера. Во продолжение, погледнете како е уреден овој пријатен стан и одберете ја омилената идеја и за вашиот животен простор.

1

2

3

4

5

6

7

8

9

10

11 12

Коментари

коментари

СПОДЕЛИ
Претходна објаваФото на денот | Куќа среде езеро
Следна објаваПодводни свадбени портрети
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ