Стан од 40 метри квадратни

Mини ентериер за младо и креативно семејство.

1

Иако животот во поголем станбен простор е најчесто попријатен, сепак тоа не е секогаш возможно, особено во густо населените градови. За среќа, вистинскиот дизајнер на ентериер може дури и малиот стан да го претвори во дом кој не само што е функционален и комфорен, туку и многу елегантен и стилски. Ви претставуваме ентериер кој е со површина од само 40 метри квадратни, но содржи се’ што е неопходно за престој на младо и креативно семејство. Дело е на архитектите од украинското студио Grits Creative Group, кои со добар план и паметен распоред постигнале воодушевувачки резултат во внатрешниот дизајн на овој мини дом. Во малата дневна соба се наоѓа удобна софа, масичка во стилот на 60-тите, па дури и мини канцеларија како работен простор – место идеално за малку забава. Преградниот ѕид ги издвојува кујната и трпезаријата од дневниот престој, но не ги затвора во целост, па просторот останува отворен и делува поголем. Сличен е планот и за спалната соба, така што креветот е сместен на повисоко ниво кое е оградено со стаклена преграда, па изгледа како да се наоѓа во посебна просторија, иако ова катче всушност е дел од дневниот престој. Постои можност да се постави и завеса, со што ќе се зголеми интимата во зоната за одмор и релаксација. Во продолжение, погледнете како е уреден овој преубав мал стан и дизајнерските решенија кои ги нуди, одбирајќи ја омилената идеја и за важиот животен амбиент.

2

3

4

5

6

7

8

9

10

12

Коментари

коментари

СПОДЕЛИ
Претходна објаваЛетниот шармер – Fiat „500 1957 Edition Cabrio“
Следна објаваCalzedonia: Костими за капење 2015
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ