Паднатото лисје во прекрасни есенски бои го има насекаде надвор, а од нив можете да направите сад кој би бил одличен украс во вашиот дом.
Потребни ви се:
-суви листови во саканата форма и големина
-лак за коса или безбоен авто лак во спреј
-дрвофикс
-длабок сад
-балон
-четка
Најпрвин внимателно извадете ги гранчињата од листовите, од двете страни испрскајте ги со лак за коса или безбоен авто лак спреј. Одкако ќе се исушат, во мал сад измешајте дрвофикс и вода, а во поголем сад ставете надуван балон, намачкајте го и почнете полека да ги редите листовите, внимателно премачкувајќи ги со смесата од лепак и вода. Оставете еден ден да се исуши, по желба може и повторно да го испрскате со безбојниот авто лак, за дополнителен сјај и вашиот сад е подготвен за користење. За подолготрајно користење можете и да го направите истото од вештачки листови.
