Интернетот е неисцрпен извор на инспирација за нас, особено кога станува збор за храната, односно кога се во прашање рецептите. Направивме разни солени и слатки јадења токму благодарение на интернетот. Последното, многу популарно слатко јадење со векови е омилен десерт во Кина, а благодарение на интернетот деновиве стана популарно ширум светот. Во продолжение ви пренесуваме рецепт за TangHuLu, односно крцкаво зашеќерено овошје.
Рецепт за TangHuLu
состојки:
– чаша шеќер
– половина чаша вода
– јагоди (или кое било овошје по ваш избор)
Во тенџере се ставаат шеќерот и водата на тивок оган околу 15 минути за да се раствори шеќерот. Подгответе ледена вода, односно ставете мраз и вода во друго тенџере. Ние направивме тангула со јагоди, но можете да користите било кое овошје. Јагодите наденете ги на дрвено стапче, потопете ги во стопениот шеќер, а потоа во мразот и тангулата е готова.
