Мала земја како Кралството Данска, може да ви понуди неверојатен број на знаменитости…
Данска се наоѓа на полуостровот Јиланд и на голем број острови. Главниот град Копенхаген се наоѓа на островот Селанд, додека островот Фин е најпознат по градот Одензе, родното место на светски познатиот дански писател Ханс Кристијан Андерсен.
Кога ќе го посетите Копенхаген, погледнете ја Статуата на Малата сирена и направете ја турата на Ханс Кристијан Андерсен. Мора да знаете дека во Данска може да се изгубите во толпата на Дедо Мразеви, можете да нуркате со ајкули и да се спуштите по највисоката песочна дина во Европа.
Има многу невообичаени работи што треба да ги доживеете во најмалото царство на Скандинавија, а она што не смееме да го пропуштиме е да ги посетите фантастичните дански замоци.
Денес ви го претставуваме замокот Розенборг
Замокот Розенборг
Ренесансниот замок Розенберг се наоѓа во Копенхаген. Ќе ви требаат неколку часа за да го посетите ова место. Замокот првобитно бил изграден во 1606 година, како летна резиденција и е пример на многу архитектонски проекти на кралот Кристијан IV.
Изграден е во ренесансен стил, типичен за данските градби во тој период. Беше проширен и реставриран неколку пати, а неговиот сегашен изглед го доби во 1624 година.
