Зошто првото јајце се фарба црвено и зошто се нарекува чуваркуќа
Постојат многу техники за фарбање на јајца, а секоја домаќинка ги избира најубавите, но она што е во повеќето домови е неизбежно фарбањето на најмалку едно или три јајца во црвена боја
За чуваркуќата се верува дека ги брка злите сили и демони од дома и од домаќинствата, односно ги заштитува од сите лоши работи и несреќи – оттука и потекнува самото име.
Некои луѓе, чуваркуќата го чуваат до следната година, поточно додека се офарба новото јајце, со цел да се зачува куќата и домаќинството во текот на целата година.
Кога ќе се офарба новиот чуваркуќа, стариот се фрла во река за да ги однесе сите зла и несреќи што паднале на него .
Кога ќе осамне велигденското утро, домаќините најпрво се омрсуваат со велигденските јајца. Три дена, додека трае Велигден се даруваат , роднините, пријателите и соседите со велигденски јајца. Исто така и ако одите на посета кај роднини или пријатели не се оди без велигденски јајца. Или некој ако дојде да ве посети во тие денови, носи велигденски јајца.