Денешниот избор за локација која е повеќе од задолжително да се посети е малку нетипичен за препорака. Ретко кој би посетил гробница, особено кога е во Јапонија, каде има толку многу места да се видат.
Makomanai Cemetery е задолжително и инспиративно место на кое мора да му се посвети внимание! Лоцирано во самото срце Sapporo е поставена огромна камена статуа на Буда која го окупираше целиот видик петнаесет години. Кога гробницата одлучи дека сака да ја истакне специфичноста на скулптурата, настапи архитектот Tadao Ando, кој дојде до едно необично решение, да ја скрие статуата.
Целата идеја е да се прекрие статуата со недовршена купола од која ќе ѕирка само темето од главата на Буда. На куполата е посадена лаванда, која и тоа како со своето ароматично својство дејствува во целата зен филозофија на местото.
По влегувањето треба да се заобиколи езерото од лева или десна страна, за да се пристигне до тунелот, чиј крај води до Буда.
Зависно од сезоната, посетителите имаат различно искуство. 150 000 посадени лаванди се обоени свежо зелени во пролет, нежно виолетови на лето и бели во зима. Навистина уметноста е чудесна кога авторот е природата.
