Прекрасниот остров плени со својата убавина уште од Римското време. Се наоѓа на јужната страна на Неаполскиот залив, покрај Сорентинскиот полуостров. Островот се протега на 10,4 квадратни километри и има 7,300 жители. Во втората половина на 19 век, островот станал популарно собиралиште на европските уметници, литерати и многу други познати личности. Според грчкиот географ Страбон, Капри во некое дамнешно време бил споен со Италија. Тој факт го потврдиле и најновите археолошки истражувања. Новите ископувања покажале дека жителите на Капри постоеле уште од времето на Неолитот. Во” Енеида”, Вергилије тврдел дека Грците кои живееле околу Јонските острови всушност го населиле Капри. Императорите Октавијан Август и Тиберије имале свои куќи на Капри. Царот Комод ја испратил во прогон својата сестра во 182 год. После падот на Римското царство , Капри бил ставен под контрола на Неапол. Бил на удар на постојани пиратски напади. Првиот бискуп бил поставен во 987 год. Во 16 век островот бил на удар на турската војска и бил опљачкан од истата. Во 1806 год, островот бил освоен од страна на Наполеоновата војска. Во мај истата година Британците ги избркале Французите и го претвориле островот во силна поморска база.
Фасцинирани од природната убавина на Капри тој бил популарно одредиште на многу уметници, а бил опишуван и во многу литературни дела. John Singer Sargent i Franck Hayd биле истакнати уметници кои престојувале на Капри кон крајот на 1870 год. Многу други славни имиња биле присутни во текот на годините на Капри како што се; Alfred Krup, Maxim Gorki, Emin von Berinng, Axel Munte и др. Одушевен од Капри, германскиот сликар и писател Август Копиш ја напишал книгата “Откритието на плавата пештера на Капри”. Клод Дебиси го споменува островот во своите фасцинантни дела. Летонскиот романописец Јанис Јаунусдрабинш во 1939 год, го напишал романот” Капри”, во кој ги опишува велосипедските тури на Максим Горки и познатиот кралски шведски лекар Аксел Мунте.
Денес Капри е туристичка дестинација на многубројни туристи од ширум светот. Во 1950 тој станал одредиште на светскиот џет-сет. Изобилува со прекрасни вили, убави ресторани и незаменеливи зајдисонца!
