Ако ја посетите, сте виделе се’ што требало да видите и сте биле секаде каде сте требале да бидете. Австрија – волшебната земја со раскошна природна убавина, неисцрпна култура за истражување, долговековна традиција за доживување и земја во која живее сегашноста на начин на кој никој не може да и одолее. Австрија е дестинација со богата историја, туристички локалитети и  магични места кои освојуваат со убавината, автентичните обичаи и нештата кои само таму може да се искусат. Заедно со соседната Швајцарија, важи за престолнина на зимските спортови во Европа, но тоа не значи дека нема што да им понуди на светските патници во секое доба од годината. Напротив, старите градови со импресивна архитектура и малите бајковити селца со идилични пејзажи и цветни куќички, заедно со чудесните панорамски глетки на Алпите, се ретко примамлива понуда која ретко кого би го оставила рамнодушен, па дури и оние најпребирливите. Аристократската Виена, лулката на музиката и уметноста, е метропола со безвременска убавина, во која неодоливо се спојуваат многубројните стари градби, музеи и дворци кои гордо сведочат за минатото, со космополитскиот дух и модерниот ритам во кој денес пулсира градот на синиот Дунав, препознатлив по убавите кафулиња и слаткарници. Романтичниот Салцбург, пак, го открива магичниот шарм на средновековните австриски барокни гратчиња, вешто негувајќи го култот кон неговиот најпрославен жител – големиот Моцарт. Глетки како од разгледница на секој чекор, за кои ниту еден збор не е достоен да ја опише нивната привлечност. Тука се и прекрасните Хајделберг и Халштат, но и сите останати помали австриски градови и живописните селца, кои заедно со монденските ски-центри на Алпите канат на едно сосема поразлично уживање во земјата со безброј можности, задолжително за сите вљубеници во шареноликоста на Австрија. Почувствувајте ја магијата на Австрија од поинаква перспектива, и со сите нејзини бои!

01 02 03 Journey to the fabled Austria_A different perspective of Hallstatt, Austria Journey to the fabled Austria_A Little Resaurant in Heidelberg 06 Journey to the fabled Austria_Altstadt Salzburg, Austria 08 Journey to the fabled Austria_Autumn in Vienna 10 11 12 Journey to the fabled Austria_Café Savoy, Vienna Journey to the fabled Austria_hallstatt 15 Journey to the fabled Austria_Innsbruck windows Journey to the fabled Austria_Misty mountain village in Tyrol, Austria 18 Journey to the fabled Austria_Salzkammergut, Austria Journey to the fabled Austria_Schloss Schonbuhel on Danube river, Lower Austria Journey to the fabled Austria_Snow falls in Salzburg, Austria Journey to the fabled Austria_Souvenirs on the streets of Salzburg, Austria Journey to the fabled Austria_Street architecture in Wien, Austria 24 25 Journey to the fabled Austria_The idyllic Gosau Lake in Salzkammergut, Austria Journey to the fabled Austria_Tyrol, Austria Journey to the fabled Austria_Vienna street at sunset Journey to the fabled Austria_Worthersee, Austria

СПОДЕЛИ
Претходна објаваСтан во поткровје [85 м2]
Следна објава,,Евридика’’ | Митот за најголемата љубов на светот
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ

ОСТАВЕТЕ ОДГОВОР