Јапонската фирма за дизајн „Нендо“ неодамна ја заврши изградбата на уникатен дом, „Stairway House во Токио, создаден за три генерации на исто семејство.
Архитектите кои ја дизајнирале оваа уникатна три-катна зграда објаснија дека истата може да се пофали со скалила кои поминуваат низ целата фасада на зградата, создавајќи впечатлива структура која има за цел да се прошири и да се приклучи на околината и градот.

За изградба на скалите во внатрешноста на куќата се користел челик, а на отворениот дел скалилата се изградени од бетон.
Целото скалило е украсено со низа растенија кои евоцираат чувство на стаклена градина.
Приземјето на куќата е доделено на постарата брачна двојка, додека горните два ката се за помладата брачна двојка и нивното дете, а скалилата ги обединуваат сите нивоа на куќата, спречувајќи ги станарите да се чувствуваат изолирани едни од други.

Помалите простории се скриени во внатрешноста на структурата, како што е и вистинското скалило кое се користи за пристап до повисоките катови на куќата, а за разлика од смелиот дизајн на скалилата на куќата, мебелот е комплетно едноставен.

Предниот дел на куќата е исто така минималистички со фасади изработени целосно од прозорци.

СПОДЕЛИ
Претходна објаваMarina Rinaldi има нова стилска колекција за плус-големина!
Следна објаваКомпанијата Disney лансираше колекција на маски за лицe Star Wars и Mickey Mouse!
Дивиан Артс е првата и единствена веб страница во Македонија која ги пренесува сите облици на уметност во креативна форма до своите читатели. Целта на Дивиан Артс е да ги врати вистинските уметнички вредности во Македонија, да ја разбуди креативноста и да остане во чекор со последните случувања од областа на уметноста. Патем, да ги едуцира и промовира младите на културно и општествено ниво, да им помогне да се изградат како составен дел од нормалното и професионално живеење, без да заборават на својата креативност и потреба од уметност.

НЕМА КОМЕНТАРИ