Многу познати имиња се наоѓаат на врвот на листата на Форбс, за најплатените пејачки во светот, меѓу кои се Кети Пери, Тејлор Свифт и Ријана. Но, името на Хелена Фишер е речиси непознато во светот на музиката, но оваа пејачка е побогата од Селин Дион и Бритни Спирс.
Имено, 34-годишната германско-руска ѕвезда Фишер се наоѓа на осмата позиција на листата на најбогати пејачи на Форбс. Нејзиното богатство се проценува на 32 милиони долари.
Според извештаите на странските медиуми, неодамнешната турнеја на Фишер по Германија, Швајцарија и Австрија беше седмата најпрофитабилна турнеја во светот оваа година.
За само 12 години професионална музичка кариера, Фишер освоила дури 16 престижни германски музички награди Echo и продала околу 15 милиони албуми.