Сите фудбалски фанови со нетрпение го очекуваат најголемиот спортски настан и ги бројат деновите до почетокот на FIFA светското првенство кое оваа година се одржува во Русија.
Скопје Сити Мол за своите посетители во партнерство со Кореа Ауто Трејд – официјалниот дистрибутер за Hyundai на територијата на Македонија и Косово, подготви интерактивна забавна игра во која ќе за најдобрите учесници обезбеди 4 карти за финалето на FIFA World Cup 2018 Russia. Играта ќе трае од 14 јуни до 3 јули и ќе се одвива во Скопје Сити Мол, а забавната игра е поддржана од Амбасадата на Руската Федерација во Македонија.
Правилата се едноставни: секој посетител со фискална сметка од 300 денари од било кој локал во Сити Мол и наполнети 18 години ќе може да се регистрира и да учествува во забавната игра каде со употреба на фудбалски вештини ќе може да освои патување за две лица на финалето од FIFA World Cup 2018 Russia. Ќе се доделуваат и многу други награди.
Играта ќе се одвива во два циклуси, првиот од 14 до 23 јуни и од 24 јуни до 3 јули, во период од 18 до 21 часот. Сите учесници ќе се натпреваруваат во 4 арени (фудбал-голф, фудбал-билјард, фудбал- флипер и гол за прецизност). Вреднувањето на победнците ќе биде времето.
Зоната за играње и забава ќе биде отворена секој ден за сите посетители од 10 до 22 часот и ќе може да се користи постојано, освен кога се прикажуваат натпреварите од Светското Првенство. Сите натпревари ќе може да се следат во фуд корнерот, кафетериите и во фан зоната.
Исто така, Амбасадата на Руската Федерација во Македонија за посетителите ќе овозможи и изложбен дел посветен на сите градови и стадиони каде ќе се играат натпреварите од светското првенство.
Бидете и вие дел од фан зоната и играјте за патување на големото финале на FIFA WORLD CUP RUSSIA 2018!
