Сите посетители на киното Cineplexx ќе имаат можност повторно да уживаат во најдобрите и најгледаните филмски остварувања од 2015 година, со акцијата “Best of 2015” по специјална цена на билет од 100 денари.
Доколку пропуштивте да погледнете некои од блокбастерите или сакате повторно да погледнете некој филм кој ве воодушевил, во периодот од 1 до 30 април ќе бидат прикажувани најдобрите и најгледаните 15 филмови од минатата година. Покрај овие филмови ќе се појават и некои филмови кои го одбележаа почетокот на оваа година.
За сите љубители на научната-фантастика ќе биде прикажана седмата епизода на „Војна на ѕвездите: Силата се буди“, додека сите фанови на тајниот агент Џејмс Бонд ќе можат да уживаат уште еднаш во 24тото продолжение на франшизата под името „Спектра“. Годината ја одбележа и оскаровецот Леонардо Ди Каприо за најдобра машка улога во филмот „Повратник“ на режисерот Ињариту, како и романтичниот филм „Педесет нијанси сиво“ и авантурата за искачување на највисокиот планински врв на светот „Еверест“.
Уживајте во продолжението на одличната комедија „Тед 2“, акцијата „Брзи и бесни 7“ во која за последен пат се појавува Пол Вокер, враќањето на Стивен Спилберг како извршен продуцент на долгоочекуваното продолжение за „Паркот Јура“ – „Светот Јура“, трилерот „Мост на шпионите“ со Том Хенкс и приказната за големиот колапс на економијата „Обложување на столетието“.
Најмладите посетители на киното Cineplexx ќе можат да уживаат во анимираните авантури „Алвин и верверичките: Големото патешествие“, „Малиот принц“, „Хотел Трансилванија 2“, „Снупи и Чарли Браун“ и „Мињони“.
Divianarts.com е медиумски покровител на кино Cineplexx МК.
