Почетна Категории Интересно За да се справат со сушата и високите температури – Дубаи создава...

За да се справат со сушата и високите температури – Дубаи создава сопствен дожд!

И додека многумина од нас се жалат на неподносливата жештина на летото, Дубаи одлучи да дејствува и да направи нешто во врска со тоа…

Овој емират речиси создаде свој дожд, користејќи дронови кои летаат во облаците и ослободуваат електрична енергија, со цел да се справат со неверојатно високите температури од речиси 50 Целзиусови степени.

За да биде тоа возможно, технологијата на дроновите ги шокира облаците со струја, што предизвикува нивен судир, а со тоа и врнежи. Иновативната техника има за цел да го зголеми годишното ниво на врнежи во оваа земја кое е повеќе од мизерно.

Владата на Дубаи веќе потрошила 15 милиони долари за девет различни проекти за зголемување на дождот, а дел од парите отидоа на Универзитетот во Ридинг, кој стои зад создавањето на временските дронови.

Добиената технологија на беспилотни летала е комбинирана работа на истражувачи од Обединетото Кралство.

Професорот Мартин Амбаум кој работел на специјалниот проект, изјави за Би -Би -Си дека Обединетите Арапски Емирати имаат доволно облаци за да создадат услови погодни за дожд: „Кога капките ќе се спојат и кога ќе бидат доволно големи, ќе паднат како дожд“. Друг клучен истражувач кој работел на овој проект, Кери Никол, изјавил: „Се обидуваме да направиме капки во внатрешноста на облаците, кои ќе го преживеат нивното паѓање на земјата“.

Коментирајќи слично, Алија Ал-Мазруи, директор на Истражувачката програма за дожд во Обединетите Арапски Емирати, рече: „Опремени со изобилство на електрично полнење, инструментите за емисија и прилагодените сензори, дроновите ќе летаат на мала надморска височина и ќе емитуваат електричен набој насочен кон молекулите на воздухот, што за возврат ќе создадат услови погодни за дожд “.

Покрај вештачкиот дожд, Обединетите Арапски Емирати исто така ги истражуваат методите за собирање и складирање на дождовницата, а веќе изградија брани и резервоари кои ќе ја собираат водата која ги поплавува пустинските долини.

Имајќи го тоа на ум, извршниот директор на NCMS Абдулах ал-Мандос рече: „Не сакаме да изгубиме ниту една капка вода“.