Draco Volans е дефинитивно најинтересниот гуштер на планетата. Познат како летечки змеј, ова мило пријателче ги населува шумите од Филипините до Малезија и Индонезија. Тие се најчесто кафеави, со сина и жолта боја на крилјата. Се размножуваат со несење на едно до пет јајца, од кои излегуваат по две недели и тежат околу дваесет грама. Овие малечки змејови можат максимално да се издолжат до 20 сантиметри, а обемот на крилјата им е секогаш 3/4 од нивната должина.
По природа, не се многу сентиментални. Откако мајката ги несе јајцата, таа ги закопува во земја и многу ретко ги посетува, а често и ги напушта. Мажјаците ја бираат територијата и заеднички населуваат неколку дрва, додека женките се сместуваат во различни дрва, со цел секоја да живее сама.
Оваа фотографија е направена во шумата Lambusango, Индонезија. Веднаш по фотографирањето, змејот е ослободен.
За жал, овие змејови не се од оние кои блујат оган или пак чуваат принцези заклучени во високи кули, но мора да признаеме дека се неодоливо слатки…
