Веќе ни е познато дека приказната за малиот магионичар, кој упорно не тера да го чекаме сопственото писмо за Hogwarts иако одамна сме навршиле 11 години, претставува точка за инспирација на многу уметници од сите бранши. Имено, не е тајна дека дузина од најголемите, помалку знајните и анонимните уметници уживаат во литературната уметност и неретко, успеваат да направат фантастичен спој на својот креативен израз преку одредено книжевно дело.
Денешниот пример носи наслов „Harry Potter & the Beer series“, каде што Anita Brown како дигитален медиа-уметник создава неверојатна серија илустрации инспирирана од нејзиниот херој од детството во комбинација со нејзиниот херој од младоста. Интересни досетки во уште поинтересна композиција, ќе направат да посакате да дегустирате дури 7 пива оддеднаш!