Facebook воглавно се смета како најголем узурпатор на нашето слободно време, но тој исто така ни нуди можност за запознавање на нови пријатели и можност да се одржува врската со старите без разлика на физичката оддалеченост едни од други.
Silvia Sala и Freddy Viera се двајца млади и креативни фотографи од Бергамо, Италија. Живееле во ист град, но благодарение на Facebook тие се запознале. Silvia студира во Венеција, но еднаш месечно се враќа дома само за да работи на заедничкиот проект со својот Facebook пријател.
„Почнавме да правиме заеднички фотографии, вооглавно портрети и тоа им се допаѓаше на луѓето па решивме да направиме нешто повеќе. Правиме две фотографии кои се поврзани меѓусебе“ – изјавува Silvia.
„Понекогаш одиме во потрага на нови места и се обидуваме да дојдеме до нови, оригинални идеи, бидејќи понекогаш се случува да сме надвор со фотоапаратот, а да не знаеме што да правиме“ – вели Freddy.
