За младeнците, животот се менува со неверојатен ритам и прилагодувањето кон еден сосема нов свет, a далеку e полесно кога имаат дом кoj е удобен и совршено функционален …
Заедничкиот живот по венчавката е сосема поинакв во однос на претходниот период, а еден добар пентхаус како овој кој ви го презентираме денес, ја прави таа транзиција многу полесна.
Создаден како дело на БАЗ Аркитура за да ги задоволи специфичните потреби на младата брачна двојка, пентхаусот од 526 метри квадратни изразува софистицираност, елеганција и прави максимална употреба на достапниот простор. Со својата комбинација на мермер и дрво, се издвојува меѓу сите слични места за живеење.
Книгите и неколку дополнителни украсни елементи, како што е виолетовиот кауч, носат боја во ентериерот што е генерално неутрален. Со мермерните тонови и топлината на дрвото, постои совршен баланс на софистицираност и удобност во овој стан, што ќе го направи безвременски и трендовски и покрај годините кои минуваат.
Интересните дрвени врати го одделуваат просторот за јадење од дневната соба, а со нивното отворање се создава пространа и забавна социјална зона, каде двојката со леснотија може да ги прими семејството и пријателите.
