Дали размислувате да купите мансарда или да го реновирате вашиот стан?
Поткровјето во Трибека стилот, може да биде вистинската работа за вас. Освен ако не сте сигурни каков е тој стил, примерот за кој зборуваме овој пат ќе ги расчисти сите нејаснотии.
Сместена во Москва, оваа мансарда (74 м2) и беше дадена на студиото за дизајн Јором. Мансардата е сместена во поранешен фабрички простор кој е редизајниран и сега претставува една од најубавите и најпопуларните области на Москва.
Главната карактеристика на оваа мансарда е секако големиот прозорец што го покрива цел еден sид. Благодарение на него, дневната соба изгледа пространа, додека самиот стан е исполнет со природна светлина. Исто така, прозорецот дава спектакуларен панорамски поглед на прекрасен дел од Москва, со таваните високи шест метри.
Дневната соба е удобна и нуди доволно места за седење, при што доминантни се неутралните сиви тонови, прошарани со сини и тиркизни детали.
Во еден дел од дневната соба има голем, удобен тросед украсен со мноштво перници, кои ве мамат да седнете и да се опуштите.
Кујната е модерна и совршено опремена, така што има сè што треба за да се подготват здрави и вкусни оброци.
Кога станува збор за канцелариски простор, тој е сместен под модерното метално скалило.
Горниот кат е резервиран за приватен простор, така што се состои од спална соба, голема соблекувална и бања, нудејќи им на сопствениците сè што е потребно за да ги направат да се чувствуваат удобно. Мора да признаеме дека бањата е еден од најубавите делови на овој стан, со изобилство на природна светлина и зелени растенија.
