Уникатна викендица со базен на покривот!

Кој не би сакал да има куќа со базен на покривот?

Компанијата Anti Reality овој концепт го пренесе чекор подалеку, создавајќи модерна верзија на викендица, каде што покривот е базен. Превртувајќи го покривот, ова студио креираше волумен кој е идеален за уживање – со поглед кон ѕвездите или кон океанот.

Оваа летна викендица, со површина од околу сто квадратни метри, е еднокатна зграда, која се наоѓа на крајбрежната карпа. Кровниот  базен е секако елемент кој се издвојува од сите други, но тоа не е единственото нешто што е вредно за внимание. Со панорамски прозорци кои го красат целиот ентериер, таа е дефиниција на комбинација на екстериер и ентериер.

Базенот, кој е достапен преку надворешните скали, има ниво на вода која може да се контролира преку сифонски дренажен систем.