16.08.2018

21:00 ч.

Црква Св.Софија

Горан Бојчевски го вбројуваат меѓу најдобрите кларинетисти во светот. Своето школување го започнува во Македонија, додипломските студии ги завршува во Љубљана, а постдипломските на Универзитетот „Моцартеум“ во Салзбург. Како солист успешно соработува со врвни музичари и институции ширум светот. Изумител е на музичкиот стил „балкан нуево“, кој се потпира на македонската традиционална музика, модернизирана со елементи од класичната и танго музиката.

Јан Север е еден од најпознатите словенечки пијанисти на својата генерација. Редовен гостин е на концертни циклуси и фестивали во Словенија, Германија, Португалија и Бразил. Постојан член е на триото Славко Остерц, чија специјалност е изведба на дела на словенечки композитори од 21-ви век. Добитник е на бројни награди на државни и меѓународни натпревари, меѓу кои и „Прешерновата награда“ во 2004 година, која претставува највисокото уметничко признание во Словенија.

Томаж Марчич своите дипломски и постдипломски студии по хармоника ги завршува во Германија, во класата на видни професори. Неговата концертна дејност се протега низ повеќе европски земји: Германија, Швајцарија, Франција, Хрватска, Австрија, Италија. Како солист и камерен музичар соработувал со значајни музичари и ансамбли за современа музика. Покрај хармониката, негова страст е и хорското диригирање.

Јошт Лампрет е словенечки контрабасист, кој во својата солистичка дејност ги впишува настапите со Оркестарот на словенечката филхармонија, Симфонискиот оркестар на РТВ Словенија, а соработувал и со Медитеранскиот младински оркестар. Моментално е на додипломски студии на Музичката академија во Љубљана.

Гудачки квартет од Македонија:

Владимир Цветковски – прва виолина

Елена Талевска- втора виолина

Илза Бафтиари – виола

Дејан Теодосиевски – виолончело

Димитар Михајловски – соло виолина

Програма:

Вовед

„Балкански циркус“

„Импресија”

„Подемот”

„Грешка”

„Прелудиум за југ”

„Зајди зајди” (македонска народна, аран. Горан Бојчевски)

„Танцот”

“Клезмер за 2”

“Мементо мори”

“Валцерот на седумте велови”

Коментари

коментари

СПОДЕЛИ
Претходна објаваАнтологија на македонското сликарство II, (1950-1965)-изложба во Галерија Робевци
Следна објаваОтворена изложба “Gala Salvador Dali” во Барселона!
Пилотот кој раководи со летот кој ја открива креативната страна на животот е вечен поддржувач на широката палета уметности, со хиперактивен печат. Без ефект на изненадување поради уметничкиот допир од мали нозе и израснувањето во семејна атмосфера на вистински уметници прават од него модерен боем, шармантен екцентрик, вистински гурман, патувач и трагач по креативитет низ секој агол на планетата. Затекнат во маркетингот и односите со јавност, не успева да се оддели од креативниот максимум во секоја сфера на живеењето.

НЕМА КОМЕНТАРИ

ОСТАВЕТЕ ОДГОВОР