Националната галерија на Македонија одбележувањето на 70 годишнината од своето основање го започна со јубилејот 100 години од раѓањето на Борко Лазески (1917-1993), кое се случи во февруари, месец посветен на неговото творештво. Месецот март го посветивме на понежниот пол и во чест на Меѓународниот ден на жената ја реализираме изложбата под наслов „Чудесните жени од колекцијата на Националната галерија на Македонија“. Април беше обоен во сина боја, во знак на подигнување на свеста во битката со аутизмот, започна едукативната програма „Уметност за сите“ подржана од страна на Холандската амбасада. Следно е – мај во Националната галерија на Македонија. Од проектите во Програмата за месец мај е уште еден јубилеј достоен за одбележување: „100 ГОДИНИ ОД РАЃАЊЕТО НА ИБРАХИМ КОДРА“. По тој повод Ве информираме дека на 10 МАЈ 2018 ГОДИНА (ЧЕТВРТОК) ЌЕ СЕ ОДРЖИ ПРЕС КОНФЕРЕНЦИЈА ВО 11 ЧАСОТ, ВО ОБЈЕКТОТ ЧИФТЕ АМАМ. На наше големо задоволство, присуство на оваа прес конференција потврдија амбасадорот на Република Албанија, Н.Е. г-динот Фатос Река и амбасадорот на Република Италија во Македонија, Н.Е. господинот Карло Ромео.
Ве очекуваме!
