Изминативе неколку дена низ улиците, парковите, маркетите и практично на секакви локации во сите градови низ државата, беа забележани повеќе хумани лица како подаруваат цели пакувања Битолско млеко на случајни минувачи.

Се запрашавме дали се работи за некаква промоција, меѓутоа добивме одговор дека тие едноставно прават чин на добро дело. Велат со подарувањето Битолско млеко, тие всушност подаруваат здравје како еден хуман гест на чинење добрина.

Интересна идеја, нема збор! Откривме дека всушност се работи за вработените во Бимилк кои деновиве активно се вклучија во глобалната иницијатива “Pay It Forward” („Продолжи понатаму“), која постои со цел да направи вистинска разлика во светот преку создавање на масовен верижен ефект на хуманост и љубезност кој ќе се почувствува насекаде.

Вклучувањето на вработените на Бимилк е преку активно делење Битолско млеко заедно со специјални картички на нивни сограѓани ширум Македонија, и тоа без да очекуваат ништо за возврат. Единствен услов е и лицето кое го добило млекото да го продолжи кругот и тој да направи некое добро дело за некого, истовремено пренесувајќи му ја картичката со цел да се создаде тој верижен ефект.

„Во Бимилк искрено веруваме дека луѓето секојдневно со својата добрина го прават некому денот малку посветол. Но, уште повеќе убедени сме дека тие мали дела добрина кога ќе се помножат со милиони луѓе, буквално може да го променат светот на подобро. Токму затоа, како една од најголемите компании во Македонија која брои голем број вработени, одлучивме да се приклучуваме и ние на меѓународниот ден Pay It Forward Day бидејќи секој еден наш вработен и индивидуално ја живее корпоративната култура на Бимилк, а тоа е сите заедно да бидеме подобри луѓе и да направиме видлива разлика во општеството“, изјави Полексена Јанкуловска, маркетинг-менаџер во Бимилк.

Инаку настанот “Pay It Forward” е по иницијатива и во организација на женската хуманитарна организација Inner Wheel Club Skopje Europea и истиот ќе се одржи на 28 април во Градскиот парк во Скопје. Ова е всушност втора година по ред како Македонија се приклучува во најголемото хумано движење во светот, а целта е да се поттикнат повеќе од 10 милиони чинови на добрина во светски рамки.

СПОДЕЛИ
Претходна објаваТоп 3 #DivianArts инстаграм фотографии за оваа недела!
Следна објаваВЕЧЕРВА ЗАВРШУВА 21. ИЗДАНИЕ НА СКОПЈЕ ФИЛМ ФЕСТИВАЛ
Пилотот кој раководи со летот кој ја открива креативната страна на животот е вечен поддржувач на широката палета уметности, со хиперактивен печат. Без ефект на изненадување поради уметничкиот допир од мали нозе и израснувањето во семејна атмосфера на вистински уметници прават од него модерен боем, шармантен екцентрик, вистински гурман, патувач и трагач по креативитет низ секој агол на планетата. Затекнат во маркетингот и односите со јавност, не успева да се оддели од креативниот максимум во секоја сфера на живеењето.

НЕМА КОМЕНТАРИ

ОСТАВЕТЕ ОДГОВОР