КИЕВСКИ СТАН ВО СТАКЛО
Нов компактен стан во стакло во срцето на Украина …
Најновиот тренд во светот на ентериерот е секако, трансформација на минијатурни станови во компактни простори за живеење. Овој пример е успешно следен од страна на компанијата Мартин Архитекти, со своето ремек дело во Киев.
Целиот простор за живеење од 45 квадратни метри е редизајниран така, што дише со просторност и минималистички, модерен дух. Спалната соба е затворена со стакло, што помага да се одржи просторот компактен, но наизглед и космички.
Транспарентноста е загарантирана со оптички илузии создадени од огледала и бројни прозорци. Зад двата стаклени ѕида има дополнителен простор, спакуван во еден агол. За приватност, завесите може да се навлечат внатре во “спалната соба”. Инаку, станот функционира како единствен отворен простор.
Подот е исполнет со широки дрвени плочи во бледи нијанси, а ѕидовите се обоени во блескавo тиркизни и сиви тонови, создавајќи одличен контраст со сtаклениот дел. Црниот ѕид од тули е поделен на два дела, кујна и работeн дел, што го прави овој стан навистина мултифункционален.
Ова студио е опремено со луксузна бања, каде што централниот фокус е повторно ставен на стаклото. Сите љубители на едноставни линии кои сакаат да уживаат во секој сончев зрак, ќе уживаат тука, дури и за време на студените украински зими.