Како ќе изгледа Rolls Roycе во иднина?

За неколку дена, брендот Rolls Roycе ќе го претстави својот нов Phantom, (осма генерација) во Лондон …

2018 Rolls Royce Phantom, ќе биде придружуван од своите големи предци, а со својот изглед ќе ни даде увид во еволуцијата на брендот во текот на 92 години од своето постоење. Но, дали некогаш сте се запрашале како новиот модел на иднината ќе изгледа?

Минатата година, брендот Rolls Royce го претстави концепт моделот наречен 103EX, кој ни даде увид во визијата на овој луксузен производител за следните сто години на постоењето. Но, сепак, тоа е многу далечна иднина. Дизајнер Метју Парсонс го дизајнираше концепт на Rolls Royce Phantom, кој го опишува како модел за 2050 година.

Метју го објави својот дизајнерски рендеринг на интернет, но кога ќе се погледне филозофијата на дизајнот, тој се наоѓа некаде помеѓу актуелниот модел и концепт на Rolls Royce 103EX. Неговиот дизајн се потпира повеќе кон концептот Vision на сегашниот Phantom модел, но ги задржува веднаш препознатливите дизајнерски елементи.

Дали ќе има мотор со некој вид на гориво или електричен погон? Па, тоа уште не се знае. Иако, судејќи по оптимизмот кој го покажаа автомобилските компании до сега, до 2050 година, моторите со гориво ќе бидат дел од музејските поставки.