Officine Gullö – елегантна кујна во боја на океанот!

Сината боја во нијанси на темниот и блескав океан, претставува доминантен елемент на оваа нова кујна, изработена по мерка од брендот Officine Gullö …

Тоа е решение со неверојатен визуелен ефект и одлични перформанси, кое е во состојба да ја истакне вашата околина со стил и елеганција, особено ако просторот во кој се наоѓа се карактеризира со светли бои и природни елементи.

Во овој проект, лесно може да се почувствуваат непогрешливите карактеристики на производство на брендот Officine Gullö и во оние најмали детали во изгледот, кој е инспириран од кујните на минатото, кои се во комбинација со елементи на современиот дизајн, но исто така и на неверојатен квалитет и перформанси кои нудат ефикасност и функционалност.

Кујнското острово има подебела рамка направена од челик, обоено со сината Ocean Blue боја, со детали од месинг. Со димензии од 288 x 149 cm, тоа е опремено со голема работна површина направена од брушен челик кој содржи простор за готвење со шест рингли со високи перформанси.