Омилениот париски хотел на светската модна елита беше повторно отворен. Хотелот „Риц” се реновираше скоро четири години, за неговото реновирање беа потрошени близу 450 милиони долари. Дизајнерот кој стои зад оваа обнова е Тиери Деспон. Сега, хотелот ја задржа автентичноста во однос на луксузниот декор, со ентериер во комбинација од дрво и нежни пастелни нијанси. Покрај новиот изглед, најавени се и нови содржини, меѓу кои и првиот Chanel Spa во светот. Освен собите, реновиран беше и култниот бар Hemingway, омиленото собиралиште на светските супермодели. Погледнете како хотелот „Риц” изгледа сега.
