45 слики изработени во куилинг техника (позната како филигран од хартија), од авторот Карло Педрони ќе бидат продажно достапни во Сабота и Недела, 27. и 28. февруари, во центарот Јавна соба.
Карло Педрони роден 1946 во Скопје, по професија геодетски инжињер-информатичар, моментално во пензија. Г-дин Педрони се смета за македонски ветеран во областа на куилинг техниката. Но, она што е фасцинантно е дека еден многу талентиран и вешт македонски пензионер, сеуште активно твори и ги промовира своите дела.
Куилинг е техника која подразбира изработка на предмети и слики преку мотање на ленти од хартија и формирање на фигури со кои се исполнуваат нацртаните слики. Карло Педрони е вистински мајстор во оваа техника.
Изложбата ќе биде отворена:
сабота од 11.00 до 01.00
недела од 09.00 до 21.00
