Заха Хадид е архитектката која стои зад новиот проект кој предвидува изградба на спектакуларна зграда во срцето на Њујорк. Станува збор за огромна зграда во футуристички стил, со големи прозорци кои нудат прекрасни глетки на целиот Менхетн. Зградата се простира на 4000 m2, а секој стан има посебен балкон, како и кујна која исто така ја дизајнираше Заха Хадид. Еден стан чини неверојатни 25 милиони долари. Сопствениците на луксузните станови ќе имаат и единствена можност да бидат дел од првиот приватен театар во градот, IMAX.
Ентериерот е во модерен стил, со едноставни и чисти линии и луксузен амбиент. Сѐ е во знакот на убавото и естетското. Без многу претерани додатоци и уметнички елементи, становите дишат во духот на денешниот Њујорк. Погледнете повеќе во продолжение.
