Во музејот Tate Modern во Лондон, поставена е изложба на непознати мајстори на уметничкото pop – art движење, во бурните шеесети години од минатиот век. Изложбата е насловена The World Goes Pop, но на неа ги нема делата на најпознатите автори како што се Andy Warhol и Roy Lichtenstein – бидејќи кустосите сакале да ја прикажат досега слабо познатата страна на тоа уметничко движење. Pop-art, се појави во Америка како реакција на поствоениот потрошувачки рај, не само кон консумирањето, туку и кон владеачките вредности во општеството и политиката со желба за подобра и поправедна иднина. Кустосите на оваа изложба Flavia Frigeri и Jessica Morgan, пет години патувале по светот во потрага за непознати, но важни уметнички дела.
На изложбата можат да се видат 160 дела, скулптури, масла и цртежи. Многу од овие дела биле шокантни за времето во кое биле создадени.
