Дали некогаш сте помислиле дека ѕвездите играат улога во тоа каква шминка ви стои, а каква не? Ние ви ги откриваме тајните на хороскопот кои ќе ви кажат какви нијанси треба да користите кога се шминкате, и тоа за секој хороскопски знак посебно.

1

Овен

На припадничките на овој знак најдобро им прилега црвена боја која означува страст, сила и храброст.

Бои: темноцрвена, црна, бела, златна, портокалова

Како да се нашминкате: Нанесете црвена сенка врз неутрални бои за да го ублажите драматичниот ефект.

Избегнувајте: Светлорозева боја

Бик

На Биковите им стои зелена боја бидејќи воспоставува рамнотежа помеѓу телото и духот и привлекува просперитет.

Бои: Зелена, сина, виолетова, жолта, кафеава

Како да се нашминкате: Нанесете маслинеста сенка на капакот и на долниот дел на очите, а потоа размачкајте за да постигнете “smokey” изглед.

Избегнувајте: Црвена боја

Близнаци

Вистинска боја за овој знак е жолта бидејќи е полна со светлост и ги подобрува расположението и комуникацијата.

Бои: Светложолта, светлосина, зелена, бела

Како да се нашминкате: Вистински избор е светложолта сенка во комбинација со црно моливче.

Избегнувајте: Сите нијанси на црвена

2

Рак

На романтичните Ракови најубаво им стои розева боја, а најдобро е да ја носите во моментите кога ви недостасува љубов.

Бои: Розева, тиркизна, бела, сива, сребрена

Како да се нашминкате: Комбинирајте розева и бела сенка со малку маскара.

Избегнувајте: Црвена боја

Лав

Портокаловата боја ја зголемува силата на Лавиците и ги преплавува со оптимизам и енергија за да ги остварат своите цели.

Бои: Портокалова, златна, црвена, бакарна, кралска сина, бела

Како да се нашминкате: Нанесете портокалова сенка како линија, со моливче на горниот капак.

Избегнувајте: Пастелни нијанси

Девица

Кралска сина е идеална боја за овој знак бидејќи е олицетворение на чистота, убавина и мудрост и поттикнува смиреност.

Бои: Кралска сина, зелена, лаванда, сива, кафеава, жолта

Како да се нашминкате: Пробајте сина маскара и тегет сенка за да постигнете “smokey” изглед за да ви дојдат до израз очите.

Избегнувајте: Сите нијанси на црвена

3

Вага

За Вагите идеална нијанса е светлосина бидејќи означува љубов, убавина и рамнотежа и инспирира и ве поттикнува на акција.

Бои: Светлосина, розева, виолетова, зелена, шампањ боја

Како да се нашминкате: Комбинирајте светлосина сенка со бела или сребрена и нанесете еден слој под веѓите.

Избегнувајте: Многу светло бои на лицето

Скорпија

Совршено ви прилега бургунди или боја на вишна- боја која означува длабочина и сила и ја зголемува перцепцијата и упорноста.

Бои: Бургунди, црна, темноцрвена, виоелтова, костенлива

Како да се нашминкате: Користете мат сенка во бургунди боја или седефаста за поголем ефект во комбинација со црно моливче.

Стрелец

Сино-зелена е вистинската боја на припадничките на овој знак бидејќи е боја на мудрост, оптимизам и авантуристички дух, како и толеранција и разбирање.

Бои: Сина, зелена, виолетова, бела, црвена

Како да се нашминкате: Темна нијанса на сино-зелена за “smokey eyes” со некоја посветла нијанса за да избегнете премногу драматичен изглед.

Избегнувајте: Светлосина, темносина и темноцрвена

4

Јарец

Вистинската боја за Јарците е кафеава. Означува одлучност и разумност и помага да се чувствувате стабилно и одговорно.

Бои: Кафеава, темнозелена, беж, маслинеста, црна

Како да се нашминкате: Кафевата боја е неутрална, па можете да ја носите и преку ден и навечер. Навечер зачинете ја со металик зелена нијанса.

Избегнувајте: Жолти нијанси

Водолија

Со Водолиите владее виолетовата боја бидејќи тоа е боја која ги истакнува хуманоста и љубезноста и создава чувство на заедништво.

Бои: Виолетова, тиркизна, впечатлива сина

Како да се нашминкате: Пробајте различни “smokey eyes” со виолетова боја. Ќе изгледате посебно и секси.

Избегнувајте: Основни бои

5

Риби

Најдобар избор за Рибите е бојата на морето. Оваа боја ќе им помогне да воспостават рамнотежа помеѓу внатрешниот и надворешниот свет и да ги нагласат нивните квалитети.

Бои: Бојата на морето, аквамарин, зелена, виолетова, црна

Како да се нашминкате: Комбинирајте ја прекрасната зелена боја со црно моливче.

Избегнувајте: Силни нијанси

Коментари

коментари

СПОДЕЛИ
Претходна објава6 забавни и креативни перници
Следна објаваНикогаш доста од книги | ‪#‎ЧитамКнигиОдТРИ
Креативната страна на животот под поинаков агол, каде важи правилото "less is more" е она што го опишува овој член на креативното семејство. Со оптимистичен пристап и позитивна енергија, сиот труд го насочува кон доброто и инспирацијата, кон вистинските вредности; како што е уметноста и квалитетниот креативен израз. Со поедноставување на животот, стои рамо до рамо со останатите креативци во тимот на Divian Arts.

НЕМА КОМЕНТАРИ