Годинешното издание на каталогот ИКЕА е јубилеј – го одбележува 70-тиот роденден на оваа публикација, и тој пристигна! Икеа го претвори во инспиративен прирачник полн со совети прилагодени на разни буџети, но и практични идеи, нови возбудливи производи и добро познати фаворити, сите во нов и подобрен дигитален формат.
Нашите светови постојано се менуваат, особено во поново време, при што дигиталните искуства се интегрираат во нашиот секојдневен живот. За да се усогласи со постојаното менување на животниот стил и потребите на луѓето во оваа дигитална ера, Икеа го претвори својот култен каталог во дигитален прирачник, едноставен и секогаш достапен за секого, во кое било време, каде било. Полесно е за пристап, како и за негово складирање, што е особено корисно во малите места за живеење.
Тие ја пополнија секоја страница со она што беше основата на нивниот опсег сите овие години – предмети што можат значително да го променат секојдневниот живот. Каталогот IKEA 2021 е полн со инспирација и совети како да ги направите домовите што поудобни, попаметни, поодржливи и поубави за сите прекрасни луѓе кои живеат во нив.
