Во Дубаи за само еден миг може да потрошите околу 650 американски долари …
Се разбира, не зборуваме за било каков момент, туку за тоа како ќе го поминете во една од најлуксузните ложи во овој град, која се наоѓа на шеесет и третиот кат на Бурџ Калифа. Станува збор за NEOS loungе, каде од скоро се служи интересен пијалок, како би се одбележила втората фаза на повторното отворање.
Она што го прави овој пијалок толку посебен се неговите состојки, а тоа е мешавина од стогодишен пијалок, со некои од најскапите алкохолни пијалаци во светот, со гарнир од шафран. Со цел дополнително да се придонесе за ексклузивноста на овој алкохолен третман, се служи во кристална чаша Baccarat, а неговиот творец е миксологот Егор Петров.
Кога ќе го нарачате овој пијалок од 650 долари, можете да уживате “бесплатно” во погледот на познатата фонтана на Дубаи.
