Регионалната платформа Балкан Синема Ситис (БСС) во соработка со неколку Центри за култура и фестивалот „Џифони Македонија“ месецов организира неколку едукативни работилници и проекции на филмови за деца во рамките на проектот „Готвиме филм, сликаме филм и гледаме филм!“.

Во рамките на проектот утре (четврток) во 12 часот во Центарот за култура „АСНОМ“ во Гостивар ќе биде прикажан детскиот филм „Магичното огледало – двоја неволја“.

Филмот беше претходно прикажан во рамките на фестивалот „Џифони Македонија“, а до крајот на месецот, поточно на 29 октомври ќе игра и во Центарот за култура „Иван Мазов Климе“ во Кавадарци на 29 октомври.

Во рамки на „Џифони Македонија“ беше одржана првата работилница „Готвиме филм“ за деца од 10 до 14 години заедно со Давор Панчевски (Dave’s Kitchen). Проектот вклучи уште една работилница –  „Сликаме филм“ која се одржа во Струмица под менторство на ликовниот уметник Љубомир Арнаудов, каде што децата ја цртаа омилената филмска сцена во различни техники.

Проектот „Готвиме филм, сликаме филм и гледаме филм!“ е оригинален концепт кој има за цел децата да се инспирираат да го развиваат својот креативен мускул. Идејата е да се развива креативноста и да се создадате можности за стекнување на филмска писменост применлива во секојдневниот живот и развивање однос кон филмската уметност преку игра. Преку гледање на филмот и потоа дискусија, децата ќе учат како да го проследат филмското дело и да го препознаат жанрот, како и некои елементи во филмот. Сите настани се распределени во повеќе градови, односно повеќе региони во Македонија со цел што повеќе деца од различни региони да имаат можност да ја развиваат креативноста. Сметаме дека ова е важна иницијатива за развој на публика. Филмската едукација почнува кај најмладите со цел да ги инспирира и да ги обучи да продолжат да учат за филмот.

Проектот е поддржан од Министерството за култура на Р.М. во рамките на манифестацијата „Нов културен бран“.

Коментари

коментари

СПОДЕЛИ
Претходна објава“Будење на свеста” од Катерина Ангеловска и Радован Витошевиќ ќе го освојува светот
Следна објаваМаја Кикириткова ја претстави својата најнова колекција Есен/Зима
Дивиан Артс е првата и единствена веб страница во Македонија која ги пренесува сите облици на уметност во креативна форма до своите читатели. Целта на Дивиан Артс е да ги врати вистинските уметнички вредности во Македонија, да ја разбуди креативноста и да остане во чекор со последните случувања од областа на уметноста. Патем, да ги едуцира и промовира младите на културно и општествено ниво, да им помогне да се изградат како составен дел од нормалното и професионално живеење, без да заборават на својата креативност и потреба од уметност.

НЕМА КОМЕНТАРИ

ОСТАВЕТЕ ОДГОВОР