Декадентен и луксузен стан во Лондон!

Овој луксузен стан со богати детали се наоѓа во Лондон, а и припаѓа на Хани Горнеј. Со помош на декоратерката Тара Крег, домот на Хани доби свеж и смел пристап кон традиционалниот стил. Ова е мал стан во јужен Кенсингтон, елитен дел во Лондон. Живиот простор со скромна квадратура, ве води во шарениот свет од самиот влез и делува како нешто помеѓу зимска градина и џунгла од фантазијата.

Целокупниот стил се базира на ѕидовите, дрвјата и грмушките кои резонираат со нив, како и разни птици, вредни за секој природнонаучен музеј. Декоратерката Тара Крег и помогна на Хани Горнеј да го создаде овој свет на силни бои и детали, во кои мебелот, сега развиен од семејната компанија на сопственичката, се стреми да исчезне во луксузот и расошната декорацијата на ѕидовите, со што секоја соба добива лична атмосфера.

Дневната соба е покриена со свилени зелени тапети инспирирани од зимски градини и има мебел кој совршено се усогласува со овој концепт – софа кревет, големи марокански лустери и многу смели неокласични столици со жолти и цветни постави. Крзнениот килим и смарагдната кадифна подна ламба додаваат доза на текстура и удобност.