“Едноставноста е клуч, без претерано создавање на разноликост во бои и текстури”, се зборови на дизајнерот и сопственикот на овој проект. А ние сме сигурни дека поголемиот број од нас, кои го гледаат овој проект ќе бидат импресионирани од софистицираниот ентериер, а не од едноставноста. Тоа што е едноставно, е јасниот и правилен избор на елементи кои домот го прават софостициран, во оваа прекрасна лондонска резиденција.
Користејќи се со црната и белата како основни тонови на дизајнот, целиот стан дише со силна машка чувствителност. Од прв поглед се гледа, дека дизајнерот мислел на апсолутно секој детал на енетериерот од секој аспект – боја, под, светло, мебел и декорации – се има своја цел и смисол во дадениот дизајн. . 
