Шпанскиот уличен уметник Окуда Сан Мигел ѝ го врати животот на една стара, напуштена црква во Мароко преку неговиот најнов проект насловен 11 Mirages to the Freedom. Овој проект е посветен на обновување на фасадите на стари градби, па така оваа руинирана црква сега има нов лик, со шарени и весели ѕидови на кои се насликани различни видови животни. Прозорците на црквата сега изгледаат како кафези за птици што дополнително го разубавува новиот, разигран изглед на црквата.
