Париз доби уште едно место за гастрономско уживање, шармантниот ресторан Histoires. Сопственикот е талентираниот и популарен готвач Mathieu Pacaud чија цел била да ја прикаже храната на уметнички начин. Имено, секој од оброците кои ги нуди ресторанот е инспириран од уметници кои во својот живот оставиле длабока трага во полето на сликарството, книжевноста и музиката. Начинот на стилизирање на храната во чиниите потсетува на колажите на Матис, а симфонијата од вкусови е баш како делата на големиот Моцарт. Менито е скромно, составено од само 15 јадења, а ресторанот собира ни помалку ни повеќе туку 12 луѓе.
Во ентериерот преовладуваат бледорозови нијанси со интересна грациозна уметност на ѕидовите. Ресторанот се наоѓа на затскриено место, во близина на Трокадеро. Место во кое уметноста дише и кое навистина вреди да се посети.