Ѕирнете во куќата на озлогласениот нарко бос Пабло Ескобар.

Escobar_Paradise_Lost_SB1_big

Во Колумбија млад сурфер ја запознава девојката од соништата. Набрзо рајот се претвора во пекол, кога ќе го запознае вујко и’ – колумбискиот нарко бос Пабло Ескобар!

Escobar_Paradise_Lost_SB2_big

Велат дека криминалот не се исплати, но на Пабло Ескобар животот на еден од најголемите светски дилери на дрога му донесе импресивен имот. Неславно познат како „кралот на кокаинот“, Ескобар наводно бил одговорен за 80% од светскиот кокаин додека бил на чело на картелот Меделин. Хациендата „Наполес“, екстравагантниот имот на нарко босот во Колумбија, заедно со големата куќа, опфаќала зоолошка градина со нилски коњи, носорози и жирафи, потоа аеродром, па дури и реплика на паркот на диносаурусите. По неговата смрт во 1993 г., владата ја презела контролата над имотот, претворајќи го во тематски парк.

Escobar_Paradise_Lost_SB3_big

Меѓутоа, постои уште еден имот на Ескобар кој е оставен да пропаѓа. Сокриен на брегот Картагина во Колубија, на малиот остров Ла Исла Гранде, се наоѓа уште еден од монументалните домови на Пабло Ескобар. Вилата со повеќе од 300 соби и станови покрај плажата, била палата на плејбој екипата. Дури и главите на тушевите во куќата биле екстравагантни – обложени со злато. Во центарот на комплексот се наоѓал огромен базен опкружен со палми, со поглед на Карипското море. Ескобар во неа минувал најмногу време, бидејќи имала писта за неговите шест хеликоптери. Но, што друго да се очекува од човек чие богатство се проценува на повеќе од 30 милијарди долари. Островот денес нема вода и струја, па и пристапот е отежнат, доколку немате глисер што се совршени услови за некого кој своите милијарди ги заработува со тајни активности. Се разбира, кога Пабло живеел во вилата, имал вооружени чувари подготвени да им посакаат ,,добредојде“ на сите непожелни посетители.

Escobar_Paradise_Lost_SB4_big

Токму во споменатата вила режисерот Андреа Ди Стефано сакал да го снима филмот „Ескобар: Изгубениот рај “, меѓутоа, не успеал да добие дозвола од колумбиските власти. Екипата морала да најде нова локалција, така што некои од највпечатливите сцени во трилерот ,,Ескобар: Изгубениот рај’’ се снимани во Панама. Стефано во неговиот дебитантски филм улогата на моќниот нарко бос му на доверил на Бенисио Дел Торо. Извонредниот актер се поправил до непрепознатливост во текот на снимањето, за што поверно да го долови ликот на Ескобар. Покрај Бенисио Дел Торо во филмот игра и Џош Хачерсон, толкувајќи лик кој невнимателно влегува во бескрупулозниот свет на дрогата, парите и застрашувачките убиства.

Escobar_Paradise_Lost_SB5_big

Приказната е раскажана од перспектива на Ник (Џош Хачерсон ), сурфер од Канада, за последните години од владеењето на Пабло Ескобар (Бенисио Дел Торо). Ник ја запознава жената од соништата, Марија (Клаудија Траисак), која ја застапува политичката кампања на својот вујко – Пабло. Тој ги повикува Ник и неговиот брат Дилан (Брејди Корбет) во својата ,,куќичка’’ на забава. Кога дознава дека имаат проблеми со некои од локалните вагабонти, Пабло се нуди да се ,,погрижи’’ за тоа. Вагабонтите ги пронаоѓаат мртви, а Ник е вовлечен во светот на екстраваганција, корупција и крвопролевање од кој тешко може да се извлече.

Escobar_Paradise_Lost_SB6_big

Премиерното прикажување на „Изгубениот рај“ пред македонската публика бешe на 30.04.2015, по што филмот е поставен на редовната кино програма во Cineplexx.

Divianarts.com е медиумски покровител на кино Cineplexx МК.

СПОДЕЛИ
Претходна објаваНаправи сам | Од стара марама до ново модно парче
Следна објаваПродадена – Патриша МекКормик
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ