1

Кога би можеле да изберете место каде со задоволство би ги минувале сончевите дни, како би изгледало вашето идеално сценарио? Ви претставуваме куќа која ќе ги исполни сите очекувања, дури и на оние со најпребирлив вкус. Станува збор за рајска вила сместена во срцето на Марбеља, Шпанија, која е како создадена за хедонистичко уживање во благодетите на летото. Обвиена со егзотичниот амбиент на шпанскиот југ, во внатрешноста куќата открива лежерен, опуштен и извонредно удобен ентериер, стилизиран во суптилните тонови на летото. Спојот на белата и аква сината боја внесува свежина и релаксирачко чувство во секоја соба, а изборот на природни материјали, како дрвените допири и меките текстили, ја облагородуваат со комфор и пријатна атмосфера за престој. Светлината непречено циркулира насекаде низ вилата, а надворешноста и ентериерот совршено се надополнуваат меѓу себе, па вистински предизвик за сопствениците е да одлучат каде попрво би ги минале слободните мигови – дали на преубавата летна тераса и базенот, или, пак, во блескаво белиот ентериер кој им нуди вистински одмор за сетилата. Прекрасна летна инспирација!

2

3

4

5

6

7

8

9

10

11

12

13

14

15

16

СПОДЕЛИ
Претходна објава20-от век низ фотографии
Следна објаваСамовили направени од жица
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ