1

Ако постои нешто што го дефинира животот во 21-от век, тогаш тоа дефинитивно е големото враќање кон природниот начин на живот. Луѓето се’ почесто бираат мирни места далеку од бучавата, загадувањето и стресната динамика на градскиот живот. Имајќи го тоа предвид, архитектот Кели Дејвис создал мала дрвена колиба со површина од 37 метри квадратни, давајќи и симболичен назив ,,ESCAPE’’ (,,БЕГСТВО’’). Верувале или не, оваа патувачка викендичка е истовремено и рекреативно возило, бидејќи може да се поместува од една на друга локација со помош на приколка, овозможувајќи уживање во природата сите четири сезони. Целата градба и се’ во внатрешноста е еколошки и енергетски оддржливо, а со оглед на тоа што куќата по законот се третира како рекреативно возило, сопственикот не мора да плати данок на имот. Дрвената подвижна колиба е соодветно изолирана за лето и зима, а се состои од дневен престој, кујна, бања и една спална соба. Постојат неколку опции при изборот на подните облоги, вклучувајќи теписи, ламинат или тврдо дрво. За оние попребирливите, достапна е понудата на кревет со ,,кралска’’ големина, кој може да биде испорачан во пакет со мобилната колиба во рок од 90 дена. Според дизајнерот, кабината ,,БЕГСТВО’’ е рачно изработена по највисоките градежни стандарди, а е вистинското решение за сите оние кои сонуваат за живот без хипотека и куќa која не бара речиси никакво одржување. Прекрасно, зар не?

2

3

4

5

5a

6

7

7a

7b

7c

7d

8

9

10

11

12

14

13 19

 

Коментари

коментари

СПОДЕЛИ
Претходна објаваВреме е децата да бидат „недопирливите“
Следна објаваПентхаус со базен на кровот
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ