0000

Иако располага со површина од само 22 метри квадратни, овој мини стан не само што е допадлив и пријатен, туку и инспирира со интересните идеи во просторот. Се наоѓа во центарот на Киев, Украина, а за неговиот компактен и фунционален дизајн заслужна е архитектката Елена Фатеева. Малата квадратура значително ги лимитира можностите за уредување, а делумно се одразува и на комфорот, но со фините визуелни ефекти и паметниот избор на мебел, бои и детали, тука е умешно надминат недостигот од повеќе квадрати. Станот е стилизиран со комбинација на белата и портокаловата боја, во тандем со акцентниот ѕид со цигла и кафената софа во дневната соба. Белата боја му дава свежина и визуелно го зголемува ентериерот, рефлектирајќи ја сончевата светлина во текот на денот. Портокаловата, пак, внесува динамика, игривост, и ведрина во животниот простор, па, иако е многу мал, не е воопшто задушен и монотон. Катчето крај прозорците е искористено за позиционирање на работната зона, додека минималистичката кујна е спакувана во само 3,8 метри квадратни, а е комплетно функционална. Станот е опремен и со удобна бања, зона за рекреација на балконот и неколку практични решенија за складирање. Одличен пример е како со скромен буџет, малиот станбен простор може да добие мултинаменски дизајн за комфорен самостоен живот. Инспирирајте се!

0001

0002

0003

0004

0005

0006

0007

0008

0009

0010

0011

0012

Коментари

коментари

СПОДЕЛИ
Претходна објаваНов едиторијал на Ѓорѓи Десподов
Следна објаваМагични фотографии кои ги оживуваат бајките
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ