Не така одамна, се согласивме на суштинската намена на библиотеката како една од својот вид, катедрала на душата. „Библиотеката означува многу работи…“ напиша Е. Б. Вајт во едно писмо испратено до децата-жители на еден мал град, во насока да ја засакаат нивната новоотворена библиотека – „но, посебно е тоа место, каде што живеат книгите, каде што може да стапите во контакт со други луѓе, други размислувања… преку книги… Книгите ги држат под контрола повеќето од најголемите тајни на светот.“, стои во истото писмо.
Повторно, не така одамна – на 3ти мај светот го прослави Денот на слободното издаваштво. Во насока на потсетување што значи слободата на мислата, зборот и издадените весници, магазини и книги; Ве потсетуваме на следново: ако ја сакате Вашата библиотека, користете ја Вашата библиотека. Поддржете ги библиотеките преку Вашите зборови, преку Вашите дела. Преку Вашите социјални мрежи! Ако сте доволно среќни во можноста да создавате сопствена библиотека, да спроведете истражување по повод оваа тема, да им препорачате наслови на Вашите блиски – не заборавајте дека постојат многу луѓе коишто не се во можност да го сторат истото. Дури ни минималниот дел од набројаните привилегии. Бидете сигурни во тоа дека Вашиот мал удел за нив ќе значи голем чекор. Тоа е тоа што библиотеките ни го ветуваат. Подобар живот, широка имагинација која првично ќе го сонува патот кон подобар живот, а подоцна ќе го оствари.
И, не заборавајте… Кога библиотеките се отворени, без оглед на нивната големина или форма – и демократијата е отворена, исто така. Во прилог, следуваат неколку примери на библиотеки во светот, како најголеми светилишта на човештвото и потребата од знаење, слобода и демократија.
1. Reading room, Stephen A. Schwarzman Building, New York Public Library, 2008
2. The Globe Chandelier near Children’s Library, Central Library, Los Angeles, California, 2008
3. Dale Chihuly sculpture, titled ‘Fiesta Tower,’ in Main Library, San Antonio, Texas, 2011
4. Central Branch Library in former Union Pacific railroad station, Caliente, Nevada, 2012
5. Destroyed Mark Twain Branch Library, Detroit, Michigan, 2011
6. Main Library, Duluth, Minnesota, 2012
7. Redwoods, Mill Valley Public Library, Mill Valley, California, 2012
8. Library, Death Valley National Park, California, 2009
9. Richard F. Boi Memorial Library, First Little Free Library, Hudson, Wisconsin, 2012
10. НУБ „Св. Климент Охридски“, Скопје, Македонија, 2014
