Хармонијата на природата и топло уредениот ентериер се спојот кој како ретко каде восхитува во овој идиличен дом. Куќата е сместена во прекрасно планинско опкружување, со многу зеленило во дворот и езерце на само неколку чекори од живописната градина. Внатрешноста освојува со рустикалниот амбиент, топлите дрвени допири и традиционално уредените катчиња. Ентериерот совршено се надополнува со идилата надвор, а дизајниран е во смирени и суптилни тонови, преку комбинација на белата како основна боја, со палета од нежни пастелни нијанси. Создадена е отворена целина со големи прозорци и пријатни текстури, во која се вдишува свежината на воздухот, овозможувајќи чувство на слобода и поголема интеракција со околината. Секој простор е посебна инспирација сам по себе, почнувајќи од преубавата дневна соба со библиотека и камин, па се’ до таванската спална соба со магичен амбиент. Воочлива е страста кон книгите, со многубројните мини катчиња за читање и релаксација, лежерно распрснати насекаде низ куќата. Деталите, пак, се умешен микс на антиквитети и цветни декорации, кои повторно ја оживуваат фасцинацијата од идилата во надворешноста, стилизирано внесувајќи ја во ентериерот. Под високите бели плафони со акцентирани дрвени греди, се’ е во совршен спој и хармонично, креирајќи визуелна целина во која секој миг е уживање. Божествена куќа во природа, со топла и пријатна атмосфера како од мечтите!

1

2

3

4

5

6

7

8

9

10

11

12

13

14

15

СПОДЕЛИ
Претходна објаваПета Азија | Крзното боли
Следна објаваДали се осмелувате да сонувате?
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ

ОСТАВЕТЕ ОДГОВОР