0001

Kамената викендичка на Richard Butt е место за совршено бегство од урбаната динамика. Лоцирана е во малото рибарско место Патерностер, на западниот брег во Јужна Африка, a со својот дизајн целосно се вклопува во автентичноста на недопрената природа. Изградена е од локален камен, со мали прозорци и порта во впечатлива aква сина нијанса, налик на тонот во кој се разлева океанот кога силниот ветар ќе ги разбуди неговите бранови. Ентериерот е суптилен, свеж и опуштен, уреден мошне лежерно и неконвенционално, со деликатен спој на бели груби ѕидови, нежно сини aкценти на мебелот, дрвени допири, школки и декорации од природни материјали. На тој начин, ехото на океанот и околината умешно е пресликано и во внатрешноста, рефлектирајќи спокој, смиреност и хармонија во амбиентот. Во намерата да се задржи природноста, електричната енергија е целосно заменета со алтернативни извори за затоплување, осветлувањето е со газјени лампи и свеќи, но нималку не се губи од функционалноста, туку постигнат е неверојатно романтичен и релаксирачки ефект. Располага со 3 спални соби (1 во поткровјето), 2 бањи и мини таверна во дворот со камена печка за пица и готвење. Прекрасно стилизирана колиба, која мами водзишки со убавината и едноставноста, но и безбројните можности за уживање со сите сетила. Инспирирајте се!

0002

0003

0004

0005

0006

0007

0008

0009

0010

0011

0012

СПОДЕЛИ
Претходна објаваМлади креативци | Мартина Блажеска
Следна објаваУличните ѕидови – платно за сликање
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ