Доколку мислевте дека очилата на Булгари и Долче и Габана се скапи, ве очекува изненадување.

Неодамна, се појавија два модела на очила од времето на Могулската империја, и нивните стакла се направени целосно од скапоцени камења. Тоа не е сè, дури и рамките на овие очила се целосно покриени со скапоцени камења. Овие очила се ретко сочувани парчиња накит од оваа ера, а се верува дека овие очила му помогнале на носителот да се одбрани од злото и да стекне просветлување.

Првиот пар, „Halo of Light“, направен е од еден дијамант од 200 карати, кој можеби бил најголемиот во светот. Вториот пар, „Gate of Paradise“ е направен од колумбиски смарагд кој тежел преку 300 карати.

Во тоа време, се верувало дека дијамантите се средство за небесна светлина и просветлување. За споредба, зелената боја на смарагдите е поврзана со вечниот живот, рајот и спасението во исламот. Могулската империја била најнапредната цивилизација во изработката на накит во тоа време, па логично е неговото кралско семејство да има такви необични очила.

Според аукциската куќа Sotheby’s овие модели на очила би можеле да достигнат цена од 2,1 милиони долари и 3,5 милиони долари. Покрај тоа, нивните рамки со накит и тесниот дизајн се во тренд бидејќи познатите личности деновиве се одлучуваат за слични типови на очила.

СПОДЕЛИ
Претходна објаваBurberry ја претстави новата кампања посветена на торбата Olympia
Следна објаваЧевлите на платформа се вратија: погледнете ги најубавите модели
Дивиан Артс е првата и единствена веб страница во Македонија која ги пренесува сите облици на уметност во креативна форма до своите читатели. Целта на Дивиан Артс е да ги врати вистинските уметнички вредности во Македонија, да ја разбуди креативноста и да остане во чекор со последните случувања од областа на уметноста. Патем, да ги едуцира и промовира младите на културно и општествено ниво, да им помогне да се изградат како составен дел од нормалното и професионално живеење, без да заборават на својата креативност и потреба од уметност.

НЕМА КОМЕНТАРИ