Многумина работат од дома со полно работно време или се грижат за децата кои во моментов не одат на училиште или во градинка, па се прашуваат како да одржуваат здрави врски за време на карантинот кога се затворени дома?
Без разлика дали станува збор за брачна двојка која работи од дома, семејство со деца кои треба да ги забавуваат или двојка која живее заедно, прашањето е исто, а тоа е како да се ослободите од тензиите што произлегуваат во изолацијата.
Коронавирус и времето во карантин е ново искуство и предизвик, но тоа не е причина да се плашите.
Често претпоставуваме дека другите ги доживуваат истите емоции или мисли како нас. Претпоставките поставуваат лажни очекувања. Разговарајте со партнерот и избегнувајте да му ги читате мислите. Да се зборува искрено и отворено е клучот за одржување на силна врска. Оваа зголемена вознемиреност може да создаде интензивни негативни емоционални реакции, лутина или фрустрација. Обидете се да бидете што е можно појасни еден со друг.
Проблемите решавајте ги мирно, со разговор и објаснување. Имајте на ум дека има многу различни начини да се справите со стресни ситуации и кавгата не е единствениот начин. Иако е нормално да се очекува одредена напнатост во текот на оваа сегашна состојба, не треба да го користите како шанса да ги решите сите ваши проблеми во врската. Оставете ги тешките разговори и кавги за некои помирни времиња, затоа што во оваа ситуација тоа може само да се влоши.
Ако работите од дома, исто така ќе треба да одвоите некое време и за домашни работи како што се ручек, чистење на куќата и слично. Но, сето тоа правете го после работното време. Од децата се очекува да работат домашни задачи или да им помагаат на домашните во овој момент. Разговарајте за очекувањата и ако треба, променете одредени одговорности.
Многу родители можеби не сакаат повеќе да зборуваат за коронавирусот, бидејќи тоа е причината што сте „заглавени“ во домот, но ако децата имаат оправдани прашања, а вие одбивате да одговорите на нив, тоа може да предизвика поголема тензија, па затоа е важно да разговарате со нив.
