Пустински вибрации во пролетната колекција на Ralph Lauren!

Еден од најголемите американски модни брендоиви Ralph Lauren,  ја пушти во продажба ready-to-wear колекцијата за пролет/лето 2017.

Новата пролетна колекција е гламурозна и луксузна, не потсетува на поранешните креации на овој бренд, од 90-тите години на минатиот век.

Колекцијата дојде по одлуката на Ralf Loren, лично да се грижи за стилот на Меланија Трамп, на денот на инаугурацијата на Доналд Трамп. Беше тоа храбар потег и многумина не го подржаа, па се пуштија гласини дека таквата одлука на американскиот креатор, би можела да се рефлектира на продажбата на неговите колекции.

На страна политиката, новата колекција на Ralph Lauren за оваа пролет е преубава и елегантна, а инспирирана е од пустината и песокливите предели.

Акцентот на оваа колекција е ставен секако на боите и материјалите,  како што се окер, беж и бојата на песокот, додека материјалите се или проsирни или сјајни како фатаморгана, благодарејќи на елегантните акценти.

Видовме модели за дневна употреба со носиви линии, до урбани и шик модели. На пистата дефилираа харем пантолони, сафари јакни и фустани – како и ултра рафинирани комбинации за најотмени пригоди.