1

Недостатокот од повеќе простор може да биде поттик за инвентивно уредување на домот. Ве водиме во еден токму таков стан, со површина од 43,10 метри квадртани, кој е уреден многу креативно и изобилува со мноштво паметни идеи. Покрај функционалното уредување и креативното користење на боите, ентериерот се одликува и со модерен дизајн, а се’ во функција на пријатен престој и живот. Станува збор за стилски дом на млада деловна жена, која е голема љубителка на модата. Проектот е дело на дизајнерката Lyudmila Alexandrova, чија намера била да создаде простор кој покрај тоа што ќе биде удобен за живеење, истовремено да биде наменет и за креативна работа. Убаво организиран, овој мини ентериер се состои од голема соба, поделена на кујна, дневен престој и спална соба. Белата боја е во комбинација со жолтата и светло сината, а деталите во црна боја на ентериерот му даваат шик призвук. Целокупниот дизајн црпи инспирација од Одри Хепберн – безвременската икона на стилот и ,,Појадок кај Тифани” – филмската класика во која таа ја толкува главната ролја. Погледнете како изгледа овој прекрасно среден стан и пронајдете ја омилената идеја и за вашето катче за живот.

2

3

4

5

1

6

7

8

9 10

СПОДЕЛИ
Претходна објаваНеобична уметност
Следна објава♡ Како да препознаете вистински џентлмен
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ