Кога е дизајнот на луксузни ентериери во прашање, убавиот резултат е најчесто последица на внимателно и многу прецизно подготвена визуелизација на проектот. Дизајнерите од студиото Ando Fine Art Renderings на своите клиенти им овозможиле нивните домови да ги согледаат на повеќе различни начини – од поинакви материјали кои можат да се искористат за мебелот, до креативно поставеното осветлување со што ентериерот би изгледал совршено. Ви претставуваме четири такви современи проекти: ентериери чиј амбиент зрачи со софистицираност и елеганција, а истовремено се многу пријатни за живеење. Зачекорете низ фотографиите во секој од нив и пронајдете ја омилената идеја и за вашиот животен простор.

Проект 1

Првиот проект е дизајн на дуплекс, кој се протега на две нивоа и освојува со модерниот изглед. Неутралната палета на бои создава особено пријатен амбиент, кој во исто време е многу софистициран, а им овозможува на сопствениците преку деталите да му дадат индивидуалност на целиот простор.

0

1

2

3

4

5

6

7

8

9

10

11

Проект 2

Вториот проект е дизајн на пентхаус, односно два апартмани со прекрасна тераса на кровот. Просторот изобилува со природна светлина и доминира белата боја, што дополнително придонесува за неговата воздушеста атмосфера. Акцентот е ставен на модерните парчиња мебел, а се истакнува седечката гарнитура во виолетова боја, која доминира во ентериерот и придонесува за неговата динамика и разиграност.

12

13

14

15

16

17

18

19

20

21

22

23

Проект 3

Третиот проект се однесува на ентериер што не е толку простран како претходните два примера, но поради неутралната палета на бои и вградените парчиња мебел извлечен е максимумот од целата површина. Можете да го погледнете во две различни варијанти: со бели плакари или дрвенеста нијанса.

24

25

26

27

28

29

30

31

Проект 4

Во последниот проект, дизајниран е ентериер во кој доминира белата боја, а деталите се непретенциозни и сведени на минимум. На тој начин, постигнат е исклучително лукузен амбиент при неговото внатрешно уредување, а истовремено просторот ќе освојува со својата едноставност.

32

33

34

35

36

37

СПОДЕЛИ
Претходна објаваКнижевно-изложбен центар Антолог
Следна објаваSylvain Viau | Летечки автомобили
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ